我們做任何事，只要努力、好好打拼，就能成功。

習講喙會順：常常講，就能把話講得很順。

習做手勿會鈍：常常做，就能把事情做得很熟練。

阿寶仔蹛佇庄跤，人因兜門口有一欉誠大欉的榕仔。食暗飽，伊著搬椅條去榕仔跤，叫阿公講故事予伊聽。

阿公講：「日本統治台灣的時，阿本仔是鋤頭管畚箕，台灣人的生活是過徦誠懨氣；阿本仔是食徦油洗洗，三頓毋是山珍，著是海味；咱台灣人是三頓攏食蕃簽米，有時陣，囡仔是食水食佫飽，腹肚是若水櫃，胸坎是若樓梯咧。」

光復迄當時，有一教日語的先生，想卜學台語，阿公就教伊講「碗」、「喙」、「椅」、「鏡」四字，伊唸來唸去，唸來唸去，想袂佫，尾仔煞唸「我」、「喙」、「齒」、「痛」，逐家聽著，攏笑徦腹肚疼。伊看著逐家咧笑伊，痞勢徦面仔紅記記。

對迄擺開始，伊就決心卜學好台語，逐工攏誠認真學，一遍佫一遍，真驚去予袂記得，拄著袂曉的時，佫會自動去共人請教。毋但是按爾，伊為著做好台灣的囝婿，佫學煮台灣菜，伊撇手腕、爻圍軀裙仔，一頓煮過一頓。伊本來是跤手慢鈍，煮佫臭凋兼著火，後來毋但是跤手緊，佫會辦桌請人。伊的河洛話，原本是講袂輦轉，佫會予人笑死，後來是講佫誠滑溜。呰阿本仔，予規庄頭的人是謳咾佫會觸舌。

阿公佫共阿寶也講：「咱做人著愛有志氣，毋管是學啥物，攏愛專心學落去，按爾則學會起。」讀冊嘛是仝款的道理，認真讀、習習算，則會有好成績。日本人學講台灣話、學煮台灣菜，這算是誠困難的代誌，伊攏學會起，所以咱毋管是讀冊，抑是學工夫，千萬毋通未曾未就認輸，咱就愛好好仔拍拚，則袂予阿本仔笑咱假若戇牛。

阿寶也講：「阮誠愛聽阿公講故事，阿公的知識足豐富，伊的故事毋但笑科，佫有真深的意思。哦，著啦！阿本仔的故事，其中所包含的，嘛就是「習講喙會順，習做手袂鈍」的道理。

註：

 1.習：ciap8，次數很密。例：習講、習做。

 2.蹛：tua3，住。例：汝蹛佇佗位？

 3.庄跤：cng1 kha1，鄉下。「跤」或寫作「跤」。

 4.洇兜：in1 tau1，他的家。

 5.椅條：i2 liau5，無靠背的長條板凳。

 6.懨氣：ian3 khi3，怨嗟、不平。

 7.油洗洗：iu5 se2 se2，表示油水很多。

 8.毋是…著是……：m7 si7…tio7 si7，不是…就是…

 9.攏：long2，全、都。例：攏是、攏總。

10.佫：kau3，到也。例：食佫飽、活佫赫老、等佫彼一工。

11.對：ui3，從也。例：對迄工開始。

12.拄著：tu2 tioh0，遇到。

13.毋但：m7 na7，不止。

14.手腕：chiu2 ng2，袖子。

15.爻：ha5，圍上、繫上。例：爻圍軀裙、爻褲帶。

16.觸舌：tak4 cih8，嘖嘖讚美。